Critiquen el zarru del Serviciu de Normalización Llingüística de Piloña por segundu añu siguíu

UVIÉU, 11 de Mayu (EUROPA PRESS) L'Asociación de Trabayadores de Normalización Llingüística quiso denunciar esti miércoles públicamente que'l Conceyu Piloña vuelve pesllar el SNL, por segundu añu siguíu. Según el colectivu, l'actividá paró güei definitivamente. Al traviés d'una nota prensa, la organización esplicó que "nel añu 2009 el Conceyu Piloña creó un Serviciu de Normalización Llingüística, sacó a convocatoria una plaza pa cubrir el puestu de trabayu, qu'entamó a furrular el día 1 d'avientu". "El trabayu aparó, porque'l SNL zarro'l 31 de marzu del 2010, y esi añu sacóse otra vez la plaza a convocatoria pública; el SNL abrió nuevamente'l 12 de mayu del añu pasáu y pieslla agora otra vez, el día 11 de mayu del 2011", añade'l comunicáu.