Crisis n'Arxentina

La llarga crisis económica que lleva arrastrando l'Arxentina ta llegando a un puntu críticu, y ta traduciéndose nuna crisis social pergrave. Ayeri, grupos de piquetes asaltaron tiendes y supermercaos, creando una situación que llevó a la dimisión del gobiernu tres la declaración del estáu d'escepción. Fernando de La Rúa busca agora iguar un gabinete de transición colos peronistes.El casu de l'Arxentina ye enforma complicáu. Naide ye quien a esplicase como ún de los estaos con más recursos de América del Sur pue vese nuna situación como esta, y menos cuando l'Arxentina foi'l país que más al pie de la lletra llevó los mandaos del Bancu Mundial y el FMI. Mientres el país enteru ye un barullu que nun hai manera de controlar, apúntase tamién a la intencionalidá política qu'hai tres los asaltos y manifestaciones.Tienes tola información nos periódicos arxentinos: Página 12 y Clarín. Indymedia Arxentina tien tamién un especial sobre la tema