Coses curioses nel Úlos?

El buscador de webs asturianes úlos? sigue col llabor de llimpieza de base de datos pa desaniciar direcciones vieyes, reactualizar webs que camudaron de url y meyorar delles descripciones. Con too y con ello, tamién siguen enxertándose les páxines nueves que lleguen toles selmanes na base de datos del primer índiz de busca d'Asturies. Ente lo nuevo d'esta selmana destacaremos les direcciones d'empreses como la carbayona Personal Assistance d'asistencia a discapacitaos o la representación de maquinaria pal metal Safer. Nel separtáu d'organizaciones, entra la páxina de la estaya de l'alministración pública del sindicatu CSI La selmana nel buscador de webs asturianes Úlos? tamién dio pa delles entraes que, pola temática que traten nun se ven muncho nel índiz de recursos. Ente elles, nun podemos dexar de mencionar el web del club motociclista "ángeles del Asfalto" o tamién el web del Colectivu d'Investigaciones Parapsicoloxiques d'Asturies.Pa dar d'alta un web nel Úlos? namás hai que rellenar esti formulariu. Nun s'enxertarán al buscador webs que nun tengan una rellación clara con Asturies.