Corvera va pa Korea

Pero non el conceyu enteru, si non la so banda de gaites, que va participar nel Festival d'Artes Populares.Esti festival ye una de les actividaes paraleles que van desenvolvese coincidiendo cola fase final del campeonatu mundial de fúbol, qu'esti añu añu organicen Xapón y Korea del Sur.La Banda de gaites Corvera d'Asturies fórmase en Les Vegues, nel añu 1999 y naz como asociación ensin ánimu de porgüeyu, cuyu fin ye esparder la música asturiana y'afalar cursinos de formación. Ta compuesta por venti miembros repartíos ente gaites ya percusión. La banda participó en diversos festivales dientro y fuera de les fronteres asturianes, tales como: Festival Alincantinu d'Adopción (Alicante), Fiestes de la Santina (A Coruña - Galicia), Festival Intercélticu d'Avilés, Día d'Asturies (Cuadonga), Fiestes de Vega de Gordón (Llión), Nueche de San Xuan "La Foguera d'Asturies" (Tresona - Corvera)...etc.Los miembros/es de la banda tan mui ilusionaos cola posibilidá de representar a Asturies nesti importante festival que va durar del ocho al quince de xunu. El so direutor, Blas Rodrigo Álvarez, comenta qu'agora namás que falta l'apoyu por parte del Principáu y otres entidaes pa que la banda pueda representar a Asturies xunto a 120 agrupaciones más de 22 países.

Contador Estadistiques