Corvera entama un taller de conversación y redaición n'asturianu

|
Cartelu de 'Escrifala'

Lleva'l nome de 'Escrifala' y ye de baldre.

Esti taller de conversación y redaición n'asturianu va desenvolvese en sesiones selmanales de dos hores caúna que van facese cada miércoles nel Centru Sociocultural de Les Vegues, de 18 a 20 hores. Los participantes van trabayar n’esclusiva l'usu oral del idioma y la meyora del asturianu escritu, afondando nes maneres de conocer les posibilidaes espresives de la llingua asturiana, estremando rexistros, aumentando’l léxicu, etc., y permitiendo al empar encuriosar la manera d’escribir n'asturianu.

Acordies con estes caracteurístiques, recomiéndase tener un conocimientu previu de la llingua asturiana, dirixéndose n'especial p'aquelles persones que yá fixeran cursos d'asturianu (niveles básicu y avanzáu). La inscripción pal taller, que va dar comienzu esti miércoles, ye de baldre y ha de formalizase nos rexistros municipales de Corvera.

Contador Estadistiques