Corquiéu, Skontra y La Tarrancha lleven la música asturiana a Cantabria y Galicia

Cantabria y Galicia son los destinos de Corquiéu y Skontra, y La Tarrancha, de manera respeutiva, pa esta fin de selmana. Les trés bandes lleven la música del país fuera de les nueses llendes.

La banda de folk va actuar mañana na primer de les dos xornaes del XX Festival Sauga Folk que se celebra en Colindres y que ta dedicáu de manera principal a la música cántabra. Asina, los rioseyanos van compartir escenariu con los llocales Sel del Pas, los bretones Carré Manchot y los aragoneses 13Krauss. Mentes, yá de sábadu, Skontra va ser la representación asturiana nun conciertu nel que tamién van participar los cántabros Sistemia, los escoceses Ross Ainslie Band y el gallegu Óscar Ibáñez, que'l día enantes va tar en Tapia nel Festival Intercéltico d'Occidente.

Al oeste del país, a Galicia, va desplazase otra vegada más La Tarrancha, en concreto a Vilariño, pa tocar el sábadu nel Festa Folc xunto colos gallegos Xistra, Os Cempes y O Sonoro Maxín. D'esta forma, la banda de mecigayu-ska repite en Galicia y suma una parada más na xira d'esti añu, cola que yá visitaron El Bierzu o Burgos, ente otros destinos, y con parada próxima en Bilbo.