Corquiéu, n’Asturies.com TV

El serviciu de visionáu de vídeu d'Asturies.com TV presenta esti domingu un montaxe promocional del grupu de folk Corquiéu.

Los rioseyanos Corquiéu, qu'asoleyaron apocayá'l so discu "Salia" defínense pol so gustu por un folk contundente, rápido y que bebe ensin dubia de les fontes de grupos de corte irlandés y escocés. Esa podemos considerala una de les marques de la casa del grupu. La otra, l´apueste polos temes cantaos cola voz inconfundible de la so vocalista Gema García, les más de les vegaes con testos del poeta Xandru Martino Ruz. L'estilu averáu a les voces tradicionales irlandeses de Gema mezse, en dalgún momentu, con toques pop na so voz y nes igües. a ufierta del repertoriu instrumental de la formación vese reforzada tamién por ún de los flautistes mozos más prometedores d´Asturies, el navetu Xurde Fernández. Descúbrelos nesti vídeu