Corea del Norte entra a la rede

Corea del Norte, ún de los rexímenes comunistes más secretistes, ta acabante d'estrenar la primer web de la so historia. El sitiu, al que s'entra pel dominiu http://www.kcckp.net/ ta entovía en fase de prebes y funciona al traviés d'un servidor alemán. Baxo'l títulu de "Naenara" (El mio país) la web oficial norcoreana recibe al internauta con música militar y ufierta noticies como la celebración de los diez años de la muerte de Kim-il-Sung o los cuarenta años de Kim-il-Jong, que dacuando s'amiesten con anuncies científiques como l'avance de la clonación, anque amás d'ello tamién se dan otros servicios -entovía en periodu de prebes- como comerciu electrónicu de productos norcoreanos.

Pa entrar en toles secciones del portal ye preciso rexistrase con una conseña personalizada. En casu de que l'internauta escaeza la d'elli, les entrugues pa recuperar l'accesu, en cuenta de les normales "¿cual ye'l color que mas te presta? O "¿cuando cumples años?" son del tipu "¿qué va ser lo primero que faigas en reunificándose Corea?"

Ello ye que'l líder norcoreanu Kim Il Jong ye un gran aficionáu a la rede, ello cuando'l país tien trancáu l'accesu a internet pa los sos ciudadanos, que tampoco nun puen lleer periódicos de fuera