Convócase'l Concursu de Rellatos Curtios Mineros Manuel Nevado Madrid
|
13 Setiembre, 2016 por Redacción
- Inicie sesión o rexístrese pa espublizar comentarios
El plazu pa presentar obres pa la decimotecer edición del premiu fina'l 24 d'ochobre.
La Fundación Juan Muñiz Zapico, de CC OO, convoca una edición nueva d'esti concursu que recuerda la figura del históricu llíder mineru antifranquista y que yá ta afitáu como ún de los eventos lliterarios referentes venceyáu a la minería, como amuesa la participación de persones de tol Estáu y d'otros territorios, sobre manera del continente americanu. Les bases del XIII Concursu de Rellatos Curtios Mineros Manuel Nevado Madrid ponen como condición pa ello l'usu del asturianu y del castellanu nos testos, qu'han de ser orixinales.
El premiu pal ganador ye de 600 euros, de los que 300 son en metálicu y el restu un llote de llibros y un grabáu de Manuel Calvo, mientres que l'accesit d'asturianu –tolos testos opten al primer premiu– tien un valor de 350 euros, siendo 200 la cantidá entregada en mano más un llote de llibros. Tamién hai accésit de testimoniu históricu (250 euros) y otru de mocedá pa los menores de 26 años (250 euros).
El fallu del concursu va facese, como ye vezu, el 4 d'avientu, festividá de Santa Bárbola. La xente interesao en participar pue consultar les bases nesti enllaz.
Efrén d'Andrés
