Convócase un conceyu abiertu pa preparar el 8-S

|
Manifestación Día de la Nación Asturiana 2016

#LluchandoPolaSoberanía fai un llamáu a persones y organizaciones de la izquierda soberanista a participar nél.

El conceyu abiertu sobre la movilización pal Día de la Nación Asturiana ta convocáu pa mañana, a les 19.30 hores, nel uvieín Llar La Llegra. Al mesmu tán convidaos persones y coleutivos cola fin "de cuntar coles opiniones y suxerencies de toes vosotres pa facer d'esti un día de llucha y reivindicación social y nacional".

El 8 de setiembre pasáu, #LluchandoPolaSoberanía entamó una novedosa manifestación, abierta a coleutivos sociales que falaron de vivienda, igualdá de xéneru, universidá pública o situación de los refuxaos, ente otros, en delles paraes mientres la marcha que percorrió Uviéu baxo'l lema 'Ganar la cai faciendo país'. La Corriente Sindical d'Izquierda (CSI), les Asamblees d'Estudiantes de la Universidá d'Uviéu, Disex Asturies, la Plataforma Antidesahucios d'Uviéu, la Ruta contra'l Racismu, Muyeres en Llucha de la CSI, Vecines escontra l'AVE, Darréu, Xunta Estudiantil Asturiana, el Llar La Llegra, Andecha Astur y Compromisu por Asturies foron dalgunes de les organizaciones que sofitaron la movilización.

Contador Estadistiques