Convocaes les subvenciones pa la normalización social del asturianu y del gallego-asturiano

El BOPA del xueves espublizó, en llingua asturiana, la convocatoria de subvenciones pa la normalización del asturianu y del gallego-asturiano. Les perres destinaes son 275.600 euros, más de la metá menos que l’añu anterior.
 
La convocatoria establez cinco llinies de subvención: actividaes d’asociaciones y otres entidaes ensin propósitu d’interés económicu (43.600 euros), actividaes d’empreses privaes (32.000 euros), promoción d’actividaes cinematográfiques y de videu (16.000 euros), promoción de la música (24.000 euros) y actividaes de medios de comunicación (160.000 euros). Como novedá principal esti añu, nun van poder acceder a les subvenciones quienes nun cumplan colos Decretos d’oficialización toponímica aprobaos pol Conseyu de Gobiernu.
 
El plazu pa la presentación de solicitúes pa optar a les subvenciones ye de 30 díes naturales a partir d’ayeri, 24 de mayu.Mentes, el plazu máximu pa resolver y notificar la concesión de les subvenciones va ser de cinco meses contaos dende l’últimu día del plazu de presentación de solicitúes. Nel casu de nun se dictar y notificar la resolución nel plazu marcáu, les solicitúes van poder entendese como desestimaes.