Conveniu pa recuperar les bodegues de vinu de Tebongu

L'alcalde de Cangas del Narcea, José Manuel Cuervo, robló güei un alcuerdu colos propietarios de bodegues de vinu de Tebongu pa la recuperación d'estos edificios. L'alcuerdu, con un presupuestu de 122.000 euros, entra nel proyecto del Ecomuséu del Vinu de Cangas del Narcea. Según l'alcuerdu, los propietarios comprométense a facer les obres de recuperación de la so bodega acordies col proyectu que se redacte al efectu y baxo la dirección d'obres de l'Axencia de Desarrollu Local, pagando'l conceyu los gastos de mano d'obra y el titular de la bodega los de los materiales, comprometiéndose al caltenimientu de la naturaleza de la bodega y a afayando, na midida de lo posible, les visites guiaes a la bodega.

El conxuntu de les bodegues de Tebongu tien una gran potencial turísticu, asitiándose al llau de la carretera AS-15 y atropando puntos d'interés etnográficos como ye la presencia de les bodegues y tamién otros de recréu como'l ser llugar pa la pesca.