‘Contábenmelo en casa’, actividá nueva de La Reciella de La Factoría

Carlos Alba ‘Cellero’ va poner un cuentacuentos esti vienres nel ciclu La Reciella de la Factoría, qu’entama tolos meses la Estaya de la Llingua d’Avilés y ‘Reciella. Families pol Asturianu’. L’actor va repetir con ‘Contábenmelo en casa’ n’avientu en Xixón nel Festival Escenines pa la Reciella, tamién con entrada llibre.

Los cuentos que va presentar Cellero busquen deprender a los neñes y neños lo que se pue facer ensin televión, móviles u ordenadores. Al empar, empondera la comunicación oral, pa lo que va emplegar tamién cantares y traballingües.

‘Contábenmelo en casa’ va principiar a les 19 hores nel espaciu escénicu de la Factoría Cultural d’Avilés, con entrada llibre hasta completar aforu. Les persones que nun se pueda averar güei a la ciudá van poder disfrutar de la mesma obra’l 27 d’avientu en Xixón (19 hores, salón d’actos del Centru de Cultura Antiguu Institutu), dientro del Festival Escenines pa la Reciella qu’entama ‘Reciella. Families pol Asturianu’ con motivu de les fiestes navidiegues.