Consuelo Vega destaca que la investigación tamién fala n’asturianu

Nel III Día de les Ciencies Asturianes, la directora xeneral de Política Llingüística, Consuelo Vega, destacó qu’actividaes como la programada tán pensaes pa enseñar que la ciencia tamién fala en llingua asturiana.

Vega indicó que, con actividaes como ésta, quier conquistase el mundu científicu pa la Llingua Asturiana, pa enanchar los campos d'usu d'esti idioma. Coles mesmes, destacó l'honor de cuntar con dos conferenciantes "de gran prestixu intelectual" y que son una referencia nel so campu.

 En concretu, resaltó que Pedrós-Alió ye'l representante d'España nel Programa Européu de Biodiversidá Marina, amás d’especialista en microorganismos marinos, "esa vida diminuta que nun vemos", añedió. Pel so llau, Veit-Köhler ye especialista na vida marina que vive nos "furacos" qu'hai nos granos de sable.

Distribución
Les publicaciones de les conferencies n'asturianu van distribuyise n’institutos y centros de Primaria y Secundaria les, amás de na rede de bibiotecas del Principáu y centros d'investigación.