Confírmase'l quintu casu de viruela del monu
|
20 Xunu, 2022 por Redacción
- Inicie sesión o rexístrese pa espublizar comentarios
Nengún de los trés contaxos nuevos tienen venceyu ente sí nin ente los dos primeros.
La viruela del monu suma casos n'Asturies. Depués de que la Conseyería de Salú informara'l xueves de los dos primeros y otros dos más el día siguiente, güei anunció la confirmación del quintu casu.
La Seición de Viroloxía del Llaboratoriu de Microbioloxía del Hospital Universitariu Central d'Asturies (HUCA) ta secuenciando la última muestra positiva de monkeypox. Mentes, yá dispón de los datos de los cuatro primeros, que permiten confirmar que son de la variante d'África Occidental.
La última persona que dio positivo n'Asturies presenta síntomes leves y permanez aisllada, como marca'l protocolu. Ésta nun tien neguna rellación colos otros afeutaos, siendo los dos primeros casos los únicos con venceyu ente sí.
Efrén d'Andrés
