Conferencies de los premios Príncipe d'Asturies

Los premios Príncipe d'Asturies que s'entreguen esti vienres n'Uviéu, quieren abrise al públicu xeneral, y por ello programen esti añu delles actividaes abiertes con caún de los premiaos, una iniciativa que yá entamó l'añu pasáu col alcuentru de Woody allen col públicu de Xixón y qu'esti añu alcanza a tolos premiaos. El programa entama güei cola conferencia a les 8 de la tarde de la escritora Fatima Mernissi na Universidá d'Uviéu, mientres que mañana la zoologa Jane Goddall va tar a les 18:30 na casa de cultura d'Avilés. El xueves ye'l día más movíu, col ensayista Jurgen Habermass y l'artista Miquel Barceló na Universidá d'Uviéu a la 1 y a les 8 respectivamente, mientres que a les 6 y media la conocida escritora y ensayista americana Susan Sontag va ufiertar un alcuentru col públicu del Teatru Xovellanos de Xixón pal que ye preciso sacar invitación.

El primer premiáu en llegar a Asturies foi'l periodista polacu Ryszard Kapuscinski, que güei daba una xornada de formación pa profesionales de la información. El premiu de Ciencies Sociales denunció que la figura del corresponsalde guerra ta en decadencia por culpa del por control que faen los gobiernos sobre los periodistes Kapucinski llamentó que'l periodista de guerra modernu namás fai que reproducir los comunicaos que manden los gobiernos, sorrayando'l casu d'Iraq, anque remembró

qu'hai guerres que se conocen menos que la d'Iraq pero nes que muerre más xente, en referencia a les guerres n'África, continente en que Kapuscinski trabayó de corresponsal.