Conferencia en La Ponte-Ecomuséu : "Llaboratorios ciudadanos, innovación social y patrimonios comunes"

Charra esti vienres sobre llaboratorios ciudadanos por Antonio Lafuente (CSIC) n'El Sabil.

Esti Vienres 22 de Julio a les 18:00h va tener llugar charrar "Llaboratorios ciudadanos, innovación social y patrimonios comunes" impartida por Antonio Lafuente na sede del Ecomuséu (Villa Tecnolóxica El Sabil, Villanueva de Santu Adrianu). La charra va tar siguida d'un alderique. La entrada va ser llibre.

Antonio Lafuente ye investigador del Centru de Ciencies Humanes y Sociales (CSIC) y dirixe dende los sos entamos nel añu 2007 el Llaboratoriu del procomún en MediaLab-Prado de Madrid, onde comparte les sos aportaciones teóriques nel estudiu sobre'l procomún ente les que destaca formalizar la teoría de les sos cuatru redolaes consistentes nel cuerpu, la naturaleza, la ciudá y la redolada dixital.

Llaboratorios ciudadanos, innovación social y patrimonios comunes

Un llaboratoriu ciudadanu ye cualquier dispositivu capaz d'axuntar xente hetereogénea pa da-y forma a un pruyimientu social y asina ganar capacidá de interlocución nun espaciu públicu. Un llaboratoriu ciudadanu entós ye un espaciu abiertu de producción capaz de asamblear de forma novedosa la cultura esperta cola amateur, la cultura esperimental cola experiencial y la cultura del diagnósticu cola de la escucha. Un llaboratoriu ciudadanu opera como l'espaciu por antonomasia pa la política esperimental y el prototipáu de los nuevos patrimonios comunes. Los llaboratorios ciudadanos en definitiva funcionen como incubadores de comunidaes.