Conferencia de Xurde Morán en Bruseles

La emisora Radio Alma, qu'emite pa tola emigración europea y tamién pa la emigración asturiana en Bélxica, entama esti día 30 una conferencia del periodista y divulgador del patrimoniu asturianu Xurde Morán na capital belga.

L'actu, faise en collaboración col Centru Cabraliegu, que pon la so sede de Rue Haute 173 -1000 Bruxelles pa que a les 14h Xurde Xorán, collaborador de dellos medios, ente ellos Asturies.com, dea a conocer la ruta andariega Xixón-Cuadonga, un camín de más de 70 kilómetros que tien, a lo llargo del so recorríu, un interesante patrimoniu tradicional y etnográficu.

Radio Alma emite pa tola emigración europea, y tien una atención especial pa la comunidá asturiana en Bélxica onde, solo na capital, Bruseles, hai una más de venti mil asturianos,pa los que Radio Alma tien incluso programes específicos en llingua asturiana