Conferencia d'Atienza Merino nel aula popular "García Rúa"

El presidente de la Fundación Caveda y Nava, José Luis Atienza, va dar esti miércoles día 5 de febreru, una charra a les 8 la tardi nel salón d'actos del Antiguu Institutu de Xixón. Baxo'l títulu "La esperanza es la memoria retrabajada: la lengua asturiana en el futuro autonómica" la conferencia enxértase dientro de la programación d'actividaes de la 7ª edición del "Aula Popular José Luis García Rúa" que tolos años entamen en Xixón dellos colectivos sociales xunta l'Atenéu Obreru de la ciudá y qu'esti añu dedícase al analís de la realidá asturiana dende dellos puntos de vista sociales, culturales y económicos. El conferenciante, José Luis Atienza Merino, profesor de Didáutica na Universidá d'Uviéu, ye'l primer presidente que tien la Fundación Caveda y Nava, una entidá cívica que se creó va agora xusto un añu col oxetivu d'axuntar a persones representatives de toles estayes de la sociedá asturiana pa llegar a un consensu de mínimos na normalización del idioma asturianu na sociedá.

Contador Estadistiques