Concursu fotográficu sobre patrimoniu industrial

L'asociación asturiana d'Arqueoloxía Industrial "Incuna"convoca la cuarta edición del Certame Internacional de Fotografía sobre Patrimoniu Industrial, que tien por tema "Del fierro al aceru". L'oxetivu del certame ye'l de "dar a conocer, valorar y proyectar les imáxenes d'una bayura material qu'ha salvase del escaezu y la destrucción"

La participación tá abierta a fotógrafos profesionales y aficionaos ensin tope d'edá y con plazu hasta esti 1 de setiembre pa presentar trabayos. Organizáu en collaboración cola Fundación Metal d'Asturies, l'Autoridá Portuaria de Xixón y El Corte Inglés, el concursu acuta un premiu únicu de 600 euros y dos accésit de 300 euros caún. El fallu del xuráu va conocese con motivu de les xornaes d'arqueoloxía industrial que va celebrar la organización ente los díes 3 y 7 d'ochobre del 2007.