Concursu de gaiteros y gaiteres en Bimenes

Como ya ficieren l'añu pasáu, y coincidiendo cola "VI Folixa de la Oficialidá ", el conceyu de Bimenes entama'l "Concursu de gaiteros mozos y gaiteres moces".Pa poder participar hai que tener menos de 18 años cumplíos a fecha del 6 de xunetu d'esti añu, que ye'l mesmu día que se celebra'l concursu. Enantes del concursu habrá una esbilla'l día 29 de xunu pa escoyer a 6 participantes que sedrán los que finalmente competirán el día 6 en Xenra, Bimenes, a partir de les 19:00 hores. Na final hai qu'interpretar dos pieces, una d'una llista qu'apurre la organización y la otra de llibre escoyeta.P'apuntase tenéis que mandar los vuestros datos personales a "III Concursu de gaiteros y gaiteres mozos y moces, Conceyu de Bimenes-Martinporra, s/n C.P.33527" enantes del 21de xunu a les 15:30 hores. Los premios son de 150 € pal primer puestu, 90, 60, 42, 36 y 30 € pal restu de puestos per orde descendiente.