Conciertu n'alcordanza d'ochobre del 34

Con motivu del aniversariu de la revolución d'ochobre del 1934, de la que se cumplen agora 71 años, la organización de mocedá Darréu, venceyada al partíu Andecha Astur, organiza pa mañana vienres día 7 d'ochobre un conciertu de rock n'alcordanza de la revolución nel que baxo'l lema "Asturies nun escaez" van tocar los grupos asturianos Mala Reputación y Skama la Rede xunta los vascos Betagarri. Ello va ser a les 22.00 hores na Sala Quatro d'Avilés. La entrada pal conciertu ta disponible a un preciu de 10 euros mercándola per adelantáu en dellos llugares del país y va costar 12 euros nel ventanu de la conocida sala de conciertos avilesina.