Conciertu de Nosoträsh pa celebrar la nueche de Reis

El grupu de pop asturianu Nosoträsh presenta esti xueves en directo'l so cuartu discu, entituláu "Cierra la puerta al salir" cola estrena amás d'una nueva formación pa los directos na que la yá veterana banda superviviente del Xixón Sound y que fixere'l so debú nel añu 1995 recupera a Malela, antigua componente del grupu y anguaño baxista de Garzón y amiesta a Mar Álvarez, fundadora de Pauline en la Playa y guitarrista d'Undershakers. Xunta elles, la banda rexistra la entrada na batería de Xabel Vegas, l'alma de les percusiones de Manta Ray y tamién solista guitarrista de la so banda paralela "Las uvas de la ira". Estes entraes y recuperaciones cubren la baxa de Montse fundadora de la banda que decidió dexar de tocar en directo con Undershakers pa centrase nos sos proyectos nuevos ente los que rescampla la creación de la casa "Lloriadiscos" y la preparación d'un discu en solitario.

Con estos cambeos de formación va ser colos que se presenten Nosoträsh esti xueves 5, na nueche de Reis Magos, na sala Parque del Piles. Los grupos "Le Mot" y "Las Uvas de la Ira" van acompañar al conxuntu asturianu nun conciertu que va entamar a les 10 de la nueche y que va contar con una "sesión Dj". El preciu de les entraes ye d'ocho euros anticipada y 10 en taquiella.