Conciertu de Darréu en Lluanco

La organización xuvenil nacionalista Darréu organiza esta nueche un conciertu que baxo'l lema "Una mocedá llibre, una Asturies soberana" va axuntar na Sala Maite de la capital del conceyu Gozón a los grupos Skama La Rede , Gomeru y Ásperos.

Amás del conciertu, qu'entama a les 21:00 hores, va celebrase tamién una intervención política sobre la interpretación que fai la organización convocante del conciertu de la Constitución Española, de la que se cumplen estos díes los 27 años de la so votación. No ocante a los grupos que van actuar, la banda de la comarca'l Cabu Peñes Skama La Rede presenta los temes del so primer discu "La nuesa historia" mientres que Gomeru y Ásperos, d'Uviéu y Xixón respectivamente, son dos grupo nuevos. Pa esti conciertu, que tien entraes al preciu de trés euros, la organización da anuncia de que va haber tola nueche serviciu de buses na Llinía Lluanco - Candás - Xixón con salíes de Lluanco a les medies y de Xixón a les hores en puntu.