Concetración delantre de la Delegación del Gobiernu

La XPLA convocó una concentración pa denunciar l'últimu ataque del delegáu del Gobiernu contra los derechos llingüísticos d’Asturies.

Decenes de persones axuntaronse na Plaza d'España d'Uviéu convocaes pola Xunta Pola Defensa de la Llingua Asturiana (XPLA) pa protestar contra'l requerimientu d'anulación a les ordenances d'usu del asturianu nel conceyu de Noreña presentáu pola Delegación del Gobiernu d'España.

La XPLA fixo esta movilización ante lo que consideren que ye un  actu "claru y desesperáu d’acabar cola llingua tarazando los pocos pero firmes avances que tán faciéndose nos conceyos nel camín hacia la normalización y hacia la oficialidá". Según la XPLA , "l’oxetivu del so ataque son los fundamentos mesmos de la esistencia del idioma: l’usu llibre de la llingua d’unos vecinos y vecines cola so Alministración más averada decidíu democráticamente".

Na concentración volvió a reclamáse'l reconocimientu d'oficialidá pal nuesu idioma y el deséu de poder usar l'asturianu con "llibertá y normalidá".