Concentraciones n'Asturies en rempuesta a les midíes del Gobiernu español en Catalunya

Uviéu, Xixón y Avilés fueron escenariu na tarde del miercoles de concentraciones de sofitu al derechu a decidir y les llibertaes democrátiques.

Decenes de persones participaron nestes concentraciones  de condena a los actos que taben teniendo llugar en Barcelona, onde fuerces de la Guardia Civil arrestaron a 14 persones y fixeron más de venti rexistros en sedes de la Generalitat y d'otros grupos que sofiten el referendum.

Los arrestaos, ente los que s'alcuentra'l 'númberu dos' del vicepresidente de la Generalitat Oriol Junqueras, yeren na so mayoría miembros del equipo coordinador de la consulta. 

La rempuesta popular llegó darréu, con manifestaciones delantre de los edificios que taben siendo rexistraos. 

En declaraciones del President de la Generalitat, Carles Puigdemont, acusó al Gobiernu español de suspender 'de facto'  l'autonomía de Catalunya y haber aplicao un Estáu d'esceición.