Concentracíón pol derechu a decidir y les llibertaes civiles

La plataforma 'Asturies pol derechu a decidir' fai un llamáu  pa salir a la cai esti sábadu a les 12h. n'Uviéu en defensa del derechu democráticu de los pueblos a tomar la palabra y decidir en paz. 

Tres convocar varies movilizaciones durante los últimos díes, 'Asturies pol derechu a decidir" sigue considerando mui importante salir a la cai a defender "el derechu a espresase de los pueblos sobre toles coses que-yos afecten: los derechos sociales básicos, les polítiques económiques y sociales, los nuesos cuerpos, les apuestes culturales, el modelu d'estáu y l'estatus políticu de los pueblos, los recursos ambientales y, en xeneral, les nuestres vides".

Los convocantes ven con preocupación que, frente a les necesidaes d'espresase de los pueblos y les persones, ta imponiéndose la lóxica de la represión, la militarización y la reacción de les porres frente a les urnes y consideren que nun se puede quedar impasible énte "esta ofensiva del Réxime del 78".

El llugar de la concentración ye la plaza del Ayuntamientu d'Uviéu mañana sábadu a les 12h.