Concentración en Xixón pa defender el poder vivir y trabayar n'Asturies

Entamen les Marches de la Dignidá.

Numberosos coleutivos sociales suménse a la llamada pa concentrase baxo'l lema 'Queremos vivir y trabayar n'Asturies'. Mientres la mesma va facese una representación qu'escenifica la situación que vive anguaño'l país.

Asina, va metese nuna caxa'l cadabre d'Asturies en forma de cachos que simbolicen la industria, la natura o la vivienda xunto cola llectura d'un testu. La cita va ser mañana a les 12 hores na Plaza Mayor y los organizadores conviden a la ciudadanía a acudir carauterizada con mochiles, maletes, cascos de mineru o mázcares, amás de con cartelos o pancartes.