Compostela 0 - Uviéu 1

Cuatro partíos-y ficieron falta al Uviéu pa ganar per primer vez. Idiakez, que s'estrenaba col conxuntu carbayón, foi l'autor del únicu gol del partíu qu'enfrentó en Santiago a los asturianos col Compostela. L'equipu asturianu foi mui superior tol tiempu al gallegu, pero la falta d'aciertu de la delantera carbayona quitó d'un trunfu más abondante. Nel primer tiempu Oli falló dos ocasiones clares dende fuera l'área, y Jaime, cola puerta vacia, echó'l balón al alto. Na segunda parte, Idiakez dio la ventaya definitiva pal conxuntu visitante, pero al final los gallegos apretaron enforma, acabando l'Uviéu mirando pal reló.