'Compañeru dame tira': recital lliterariu en Ciañu

Esta actividá forma parte de les X Xornaes Culturales De Castilletes y Carbón.

La Casa de los Alberti, en Ciañu, acueye esta tarde'l recital lliterariu 'Compañeru dame tira', coordináu por Chechu García. Nesta edición del eventu van participar, dende les 20 hores, los escritores Consuelo Vega, Henrique Facuriella y Marta Mori.

'Los Xueves De Castilletes y Carbón', que se desendolca en payares por iniciativa de la Fundación Nuberu y el Conceyu de Llangréu, van siguir el xueves viniente cola conferencia 'La percusión tradicional n'Asturies', a cargu de Julio Sánchez-Andrade. Enantes participaren María Cristina Valdés, cola ponencia 'La minería nel cine n'Asturies y nel Reinu Xuníu: representación d'una cultura', y Laura Castañón, que presentó'l so llibru 'Todos los naufragios'.

Amás, na sede d'estes xornaes pue visitase hasta'l día 29 la esposición fotográfica 'Última mirada hacia la mina', d'Ángela Terente.