Comienza una seronda que se presupón cálida

La estación nueva entra a les 16.21 hores d'esti xueves y va durar 89 díes y 20 hores.

L'Observatorio Astronómico Nacional asitia nel 21 d'avientu'l comienzu del iviernu y el final d'una seronda que se presupón más cálida de lo habitual, según la predicción de l'Axencia Estatal de Meteoroloxía (Aemet). No que se refier al agua, entovía ye pronto pa vaticinar si va ser una estación lluviosa o non, anque Ana Casals, vocera de l'Aemet, considera que va tar na media habitual.

Otra manera'l domingu 30 d'ochobre va tener llugar el cambiu d'hora, retrasando 60 minutos los relós cuando dean les 3 hores. Nesta seronda nun va producise nengún eclipse.

Pa celebrar la llegada de la seronda, Asturies.com recuperamos una serie de reportaxes de Xurde Morán con dalgunos de les celebraciones más típiques nel país nesti tiempu.