Comienza la segunda temporada de 'Naguando' con horariu nuevu

L'espaciu en llingua asturiana de RPA adelántase a les 21 hores.

Naciu Varillas sigue al frente d'esti programa, l'únicu n'asturianu dafechu de la radiu pública asturiana, que s'independizó'l pasáu 25 d'abril de 'El tren de RPA' pa pasar a tener identidá propia y ampliar el so llargor hasta los 30 minutos. Precisamente ési ye'l tiempu qu'adelanta la so emisión 'Naguando' na so segunda temporada, al pasar de les 21.30 hores a les 21, siempre de llunes a vienres.

El formatu d'esti espaciu va ser el mesmu, con espaciu pa tola actualidá sobre'l nuesu idioma y pa otros munchos asuntos, trataos siempres n'asturianu. Tamién se caltién el güecu diariu pa firmes de destacaos periodistes, escritores y especialistes de dellos ámbitos.