Comenzaron les Xornaes d'estudiu de la canción asturiana

Ayeri entamaron en Mieres la octava edición de les Xornaes d'Estudiu de la Canción Asturiana. Ayeri a les ocho la tarde comenzaron nel salón d'actos de la casa de cultura "Teodoro Cuesta" estes xornaes, que principalmente tan dirixíes al estudiu de l'asturianada, como xéneru más identificativu de la canción asturiana, pero tamién toquen otros xéneros de canción individual como la vaqueirada, l'añada, la hestoria o romance... y de canción colectiva como la danza, la xota, los bailles de panderu....etc. Nes xornaes van participar los grupos "Xorrecer" y "L'Artusu", l'Asociación d'Interpretes de Cación Asturiana AICA , ellí van presentar un trabayu discográficu , que sal a la cai col nome de "Presente y futuro" y nel que participaron Andrés Cueli, María Sánchez, el monologuista Avelino "El Rilu", Misael González, Urbano Prieto y Manuel González, asina como Begoña Rodríguez, que participará hoi nes xornaes echando unos cantares acompañada polos guitarristes Alejandro de la Fuente y Rodrigo Sturm. Tamién vamos poder ver a Fernando Ornosa director del Archivu de Música Tradicional, pertenecíente al Muséu del Pueblu d'Asturies, y qu'esplicará como va la xera de compilar los materiales esistentes n'archivos tantu de grupos como personales.