Colunga pide comparecencies pa informar sobre Venturo XXI

|

El Diputáu del Bloque por Asturies, Robert Colunga, pidió la comparecencia Urxente del Conseyeru d'Ondustria y Empléu y del Director Xeneral del IDEPA pa qu’informen con detalle sobre la situación de la empresa Venturo XXI.

El Principáu d’Asturies participa n’alministración de la empresa Venturo XXI, polo que Roberto Colunga, Portavoz del Grupu Parllamentariu Mestu y diputáu del BA, pidió la comparecencia con carácter urxente y inmediatu pa qu’informen de la situación el Conseyeru d’Industria y Empléu y del Director Xeneral del Institutu de Desendolcu Económicu del Principáu d’Asturies (IDEPA).

Colunga consideró que “la mala xestión” empresarial, la “sobredimensión” y los oxetivos “erróneos”, “condergaron” el futuru de la empresa. A la par, espresó’l so esmolecimientu pol futuru de les y los trabayadores de Venturo XXI.

“La lliquidación de Venturo XXI ye la confirmación del fracasu de la política de reindustrialización del Gobiernu del Principáu”, criticó Colunga, añadiendo qu’en cuenta d’apostar por proyectos “reales y sostenibles” acaba “asociándose a cazadores de subvenciones que namás que busquen la especulación, el beneficiu rápidu y la instalación de chiringos”.
 

Contador Estadistiques