Colectivos piden la dimisión del delegáu del gobiernu pola carga policial del sábadu en Cangues d'Onís

La dureza de la carga policial que desfizo una concentración
antifacista esti sábadu ta provocando la reacción de varios
colectivos pidiendo la dimisión d'Antonio Trevín, delegáu
del gobiernu n'Asturies.



La convocatoria d'un actu públicu por parte de la
organización ultraderechista Democracia Nacional esti
s´`sábadu en Cangues d'Onís, provocó la convocatoria
d'una contraconcentración nel mesmu llugar a la mesma hora por parte de
diferentes organizaciones. A lo llargo de la tarde la concentración foi
tranquila hasta que, según el comunicáu oficial del ministeriu

del interior, la policía cargó cuando delles persones tiraron
piedres contra un autobus de la Guardia Civil que llevaba guardies que
trabayaren en funciones de seguridá vial na etapa de la Vuelta ciclista
a España qu'esi día acaba nos Llagos de Coadonga y pasaba per
Cangues d'Onís. Dempués de la carga, un grupu pequeñu de
persones cruzaron contenedores, rompieron dalgunos escaparates y les ventanes
de dalgunos coches. Al poco la policía fexo doce detenciones, ente los
qu'había xente d'Uviéu, Lleón, Cangues d'Onís,
Llanes y Xixón.



La dureza de la carga policial y la detención d'estos
manifestantes ta provocando la reacción colectivos d'izquierda.
Asina, AIRA (Asociación d'inmigrantes residentes n'Asturies), Izquierda
Asturiana IAS, Bloque por Asturies, Andecha Astur, el colectivu xuvenil Darréu, el FUSOA, CJC/CMC
y el colectivu de Mocedaes Comunistes de llanes ente otros tán
espublizando comunicaos nos que critiquen amás que la delegación
de gobiernu diera permisu a Democracia Nacional pa facer esti actu con un
conteníu claru racista y xenófobu.