Cofiño y Sabio lideren les llistes de Sumar al Congresu y Senáu

La coalición eleutoral de calter estatal integra, ente otros, a Izquierda Xunida (IX), Podemos o Izquierda Asturiana (IAS).

Sumar confirmó esta mañana les llistes al Congresu y al Senáu por Asturies. La primera ta liderada por Rafael Cofiño, direutor xeneral de Salú Pública la llexislatura pasada nos momentos más duros de la pandemia de COVID-19, cola sindicalista Antona Luengo de númberu 2 y l'historiador Diego Ruiz de la Peña, de 3.

Completen la candidatura, Ángela Otero del Castillo, Javier Suárez Llana, Silvia Tárano y José Ramón Hevia. Mentes, pal Senáu, el primeru de la llista ye Faustino Sabio, responsable d'Aición Política d'IX, al qu'acompañen María Lluisa Nogueira y Francisco Javier Martínez Andrade.

Les formaciones que conformen la coalición Sumar pa les estatales del 23 de xunetu son el Movimiento SUMAR, Podemos, IX, Catalunya en Comú, Más Madrid, Más País, Compromís, Chunta Aragonesista, Més per Mallorca, Més por Menorca, Verdes EQUO, Alianza Verde, Batzarre, Proyecto Drago, IAS y Iniciativa del Pueblo Andaluz.

Na semeya, Cofiño na so etapa al frente de la Direición Xeneral de Salú Pública.