CO OO apunta qu’hai 64 convenios a la espera d’anovación qu’afeuten a 37.000 trabayadores

Comisiones Obreres d’Asturies (CC OO) apunta qu’esisten 64 convenios coleutivos por anovase. Según señalen dende’l sindicatu, éstos afeutaríen a unos 37.000 trabayadores asturianos, de los que 10.000 son del metal.
 
Trátase d'estimaciones propies a partir de los datos llograos del Sistema d'Información de Negociación Colectiva (SINC) de CC OO, qu'esplota los datos del Rexistru de Convenios Coleutivos del Ministeriu de Trabayu ya Inmigración. A éstos tamién hai que sumar otros 89 d'ámbitu estatal que son d'aplicación n'Asturies que tamién remataron la so vixencia nel 2009 o 2010 “ensin que pel momentu foren anovaos”.
 
Del total de convenios, el más importante, en términos de trabayadores afeutaos, ye'l de les industries del metal, del que dependen unos 18.000 trabayadores, y que s'atopa anguaño trabáu, mentes que'l restu atópase en fase de negociación más o menos normalizada. Ente ellos bien al casu, teniendo en cuenta'l númberu de trabayadores afeutaos, los de minoristes d'alimentación (10.000), mayoristes d'alimentación, frutes y productos hortícoles (1.500), Asturiana de Zinc, S.A.-Fábrica de San Xuan (671) y derivaos del cementu (415). A ellos habría que sumar polo menos otros 89 convenios axustaos a nivel estatal que son d'aplicación n'Asturies y que tamién remataron la so vixencia nel 2009 ó 2010, ensin que pel momentu foren anovaos, comos los d'industria química, peluqueríes, caxes d'aforros, consultores y banca privada. El so númberu exautu y el de trabayadores asturianos afeutaos ye difícil de determinar.
 
El secretario xeneral de CO OO Asturies, Antonio Pino, esixó a los empresarios, al traviés d’un comunicáu, “que nun pongan torgues al desendolcu normal de les rellaciones llaborales”, al considerar que “muchos tán aprovechando la crisis p’apretar entá más a los trabayadores”.