Clint Eastwood volverá actuar

LOS ANGELES, 6 d'Ochobre (OTR/PRESS) Cola inolvidable 'Gran Torino' (2008) anunció'l fin de la so carrera como actor. Pero lo que diba ser un puntu y final tornó en puntu y a parte, y Clint Eastwood volverá ponese ante les cámares. El so regresu paez más un favor a un amigu qu'una marcha atrás na so decisión de dexar l'actuación, y ye que volveremos ver el tralláu y carismáticu rostru del incansable tipu duru de Hollywood en 'Trouble with the Curve', el debú na dirección de Robert Lorenz, el so habitual asistente de dirección col que trabayó en cintes yá mítiques como 'Los puentes de Madison', 'Mistic River' o 'Million Dollar Baby'.