CiU va gobernar en minoría

El secretariu xeneral axuntu de CDC, Felip Puig, confirmó que CiU va gobernar en minoría y por pactos puntuales dientro del Parlament catalán y consensos cola sociedá.

Aseguró que, a pesar de que CiU tovía ta "dixiriendo" la so victoria electoral, va tratar de formar el nuevu gobiernu y promover les midíes oportunes pa eliminar la crisis económica con rapidez, pero "sin correr más de la cuenta".
  
Puig confesó qu n'algún momentu esperaron llograr una mayoría más amplia, pero aseguró que'l resultáu foi un éxitu. "Llogramos el triplete: ganar les elecciones, gobernar, y facelo con tranquilidá y mayoría abondo", sentenció.
  
Nuna entrevista a Cataluña Radio recoyida por Europa Press, aseguró que CiU tendrá que gobernar con una "gran responsabilidá y arrogancia", algo qu'asocede especialmente cuanto más amplia ye la victoria y menos fuerte ye la oposición, según él.