Cincuenta periodistes participen nos cursos d'asturianu na RTPA
|
30 Marzu, 2016 por Pablo R. Guardado
- Inicie sesión o rexístrese pa espublizar comentarios
El 'Cursu de Llingua Asturiana pa Programes Informativos' tuvo una aceptación bona ente los profesionales audiovisuales de RTPA y productores que trabayen col ente públicu de comunicación. Cincuenta profesionales matriculáronse nes clases.
La Direición Xeneral de Planificación Llingüística y Normalización y l'Academia de la Llingua Asturiana (ALLA) entamen xunto con RTPA col oxetivu de formar a periodistes del entornu del ente pa la ellaboración de programes n'asturianu, en concreto informativos pa radio y televisión. Tamién tendrán clases de gramática, sociollingüística, llexislación y alministración mientres les 60 hores de llargor del cursu, que principia mañana nos sos dos niveles.
La inauguración, prevista pa les 15 hores, va contar cola presencia del direutor xeneral de Planificación Llingüística y Normalización, Fernando Padilla; del direutor xeneral de RTPA, Antonio Virgili; y de José Ramón Iglesias, miembru de l'ALLA.
Efrén d'Andrés
Lo + visto de la selmana
