Cinco poetes participen nun recital de poesía de robla femenina

|
Cartelu representación 'Poética de muyeres'

Toes elles firmaron creaciones en 'Poética de muyeres', antoloxía asoleyada nel 2014.

El Grupu Epona torna a presentar esta obra coleutiva "porque creemos qu'hai nuevu públicu interesáu en lliteratura escrita por muyeres", actu que lleva a La Habitación Propia, "única llibrería n'Asturies dedicada a la lliteratura escrita por muyeres". Ésta ta asitiada en Xixón, na cai Celestino Junquera númberu 1.

Nel actu de presentación, programáu pa mañana a les 19.30 hores, va entamase un recital poéticu nel que van participar Llucía Fernández Marqués, María Esther García López, Txiki Llope, Marta Mori y Helena Trexu. L'antoloxía 'Poética de muyeres' inclúi tamién obres de Sofía Fernández Castañón, Paz García Álvarez, Vanessa Gutiérrez, Lurdes Álvarez, Marisa López Diz o Susana Sela, ente munches otres.

Contador Estadistiques