Cinco galeríes asturianes van participar n'Estampa

|
Cinco galeríes asturianes van participar n'Estampa

La ventena quinta edición de la feria d'arte va celebrase en setiembre en Madrid.

El Conseyu Asesor de la feria Estampa anunció esta mañana que 72 galeríes van formar parte de la edición del 2017 d'esti eventu d'arte contemporaneu, tanto dientro del programa xeneral como del programa comisariado MAPA, lo que significa un récor de participación. Ente elles hai cinco asturianes: les xixoneses Aurora Vigil, Gema Llamazares y ATM, y les uvieínes Arancha Osoro y Guillermina Caicoya.

Estampa 2017 va celebrase ente los díes 21 y 24 de setiembre en Matadero Madrid y nella participen galeríes de tol Estáu y Portugal, país que lleva cuatro representantes. La vocación d'esti eventu ye potenciar el coleicionismu d'arte non sólo al traviés de la propia feria, sinón tamién mediante los alcuentros Colecciona, que se celebren tolos años ente febreru y xunu, y colos foros y programes paralelos que se desendolquen mientres el certame.

Contador Estadistiques