Cientos de persones manifiéstense peles cais d'Uviéu pa pidir la oficialidá

UVIÉU, 06 de Mayu (EUROPA PRESS) Cientos de persones manifestáronse esti vienres peles cais d'Uviéu pa pidir la oficialidá de la llingua asturiana, nel actu reivindicativu que, como tolos años, convoca'l Conceyu Abiertu pola Oficialidá nel Día de Les Lletres. Ente los asistentes, viéronse pancartes de partíos políticos como Izquierda Unida-Verdes, Bloque por Asturies-Unidá Nacionalista Asturiana, Andecha Astur o URAS-PAS, amás del sindicatu Comisiones Obreres, y d'organizaciones como la Xunta pola Defensa de la Llingua o'l colectivu Trafego, pa la defensa del gallegu-asturianu nel occidente d'Asturies.