Ciclu de conferencies nel Pueblu d'Asturies

Esti mes y principios del próximu, hai programes nel Pueblu
d'Asturies de Xixón una riestra de conferencies sobre cultura asturiana,
onde por supuestu va tocase'l tema de la música tradicional.

Les charres entamen el día 10 d'ochobre col tema
"Iconografía musical en el arte asturiano" onde Florentina
Cuadriello Sánchez falará sobre las representaciones
d'instrumentos y músicos asturianos nes expresiones artístiques
como l'arquitectura o la pintura. El día 17
Manuel
Durán tratará'l tema de "El Tambor Asturiano: historia y
evolución", perinteresante charra onde de xuro saldrá'l tema
del usu del tambor nes bandes de gaites y la evolución del toque.

Pal día 24 ta programada la conferencia de
Daniel García de la
Cuesta sobre "La bandurria Asturiana", instrumentu qu'entama a
ser conocíu gracies a el llabor de xente como Daniel García. El
31 Fe Santoveña fala de "La indumentaria tradicional asturiana en
el contexto de la historia de la moda".

Pa finar col ciclu en payares, una charra y un conciertu
didácticu, la charra'l día 7 de Xosé Nel Riesgo
"Innovación y futuro de la gaita asturiana: la experiencia de Santo
Adriano" y el conciertu "Celtic Harmony" de Dorothy Gillett y
John Allan el día 14.

Les charres van ser toes na Casa de los Valdés nel
Muséu del
Pueblu d'Asturies de3 Xixón a les 20:00.