Ciclu de conciertos pa tolos gustos nel Parque del Piles

Un ciclu de conciertos va traer a Xixón a grupos d'estremaos estilos a lo llargo de los dos meses qu'entren. Josele Santiago, Los Ronaldos y Mártires del Compás, xunto colos asturianos Stoned Atmosphere y L.O.R van actuar na Sala Parque del Piles.

El ciclu de conciertos, que patrocina la emprea cervecera Mahou entama'l 11 de payares cola actuación del grupu segovianu de Rock Lujuria. Mártires del Compás grupu que parte del flamencu pa mecelo con otros estilos y que tien collaborao con xente como Kiko Veneno, van ser los siguientes en participar el sábadu día 12, mientres que'l grupu de pop-rock de los 80 Los Ronaldos, va participar el vienres 18 de payares repitiendo conciertu en Xixón nesti 2005 nel añu en que volvió a axuntase la banda de Coque Malla. Yá pal mes d'avientu, los grupos de hip-hop Stoned Atmosphere y L.O.R van dar un conciertu compartiendo cartel el día 3 d'esti mes, mientres que pa trancar el ciclu va actuar l'inclasificable Josele Santiago, cantante del desapaecíu grupu "Enemigos" que va dar un conciertu acústicu'l 9 d'avientu.