Chechu Rubiera va encabezar la manifestación del 5 de payares

El ciclista asturianu va llevar la pancarta de la manifestación que'l día 5 del mes qu'entra va esixir la oficialidá del asturianu na reforma del estatutu d'autonomía. Otres personalidaes confirmaes yá pa esi día son les del escritor Luis Arias Argüelles-Meres o la del guionista de TV y cine Maxi RodríguezEl ciclista asturianu va llevar la pancarta de la manifestación que'l día 5 del mes qu'entra va esixir la oficialidá del asturianu na reforma del estatutu d'autonomía. Otres personalidaes confirmaes yá pa esi día son les del escritor Luis Arias Argüelles-Meres o la del guionista de TV y cine Maxi Rodríguez

El Conceyu Abiertu pola Oficialidá (CAO ta preparando con especial precuru la segunda gran manifestación que nesti añu 2005 va pidir la oficialidá del asturianu. Por de pronto, según pudo saber Asturies.com el CAO yá ta en condiciones d'adelantar dellos aspectos rellacionaos cola mesma, en concreto no tocante a la nómina de personalidaes de relevancia social y cultural que van llevar la pancarta d'apertura de marcha cívica. Ente los que yá tienen confirmada l'asistencia tan el ciclista Chechu Rubiera, profesional del Discovery Channel de Lance Armstrong, que yá firmare a primeros d'esti añu'l manifiestu del CAO y que nun pudo asisti a la manifestación del 5 de marzu por compromisos profesionales. Xunta elli va tar tamién l'escritor de Salas Luis Arias Argüelles-Meres, autor d'ensayos como "La España descabezada" y noveles como "Último tren a Cuba" cola que foi finalista del "Premiu Café Gijón" amás de ser bien conocíu como columnista del diariu La Nueva España. Otra de les personalidaes na cabecera de la manifestación va ser Maxi Rodríguez (Mieres 1965) guionista pa series de televisión, autor d'obres de teatru y tamién con argumentos pal cine como la película "Carne de Gallina".

El gaiteru Xuacu Amieva y el caderalgu d'historia medieval de la Universidá d'Uviéu Javier Fernández Conde tamién van tar al frente d'una manifestación que va contar cola aportación musical del Cuartetu Torner. La conocida formación d'intérpretes de tonada asturiana va participar tamién na marcha y van actuar al final de la mesma echándo-y el piesllu musical al actu, que la organización quier que sía multitudinariu.