Chamorro recibe’l primer premiu del VII Concursu de Semeyes La Sidra

|

‘Llabores d’embotellar’ foi la semeya ganadora del VII Concursu de Semeyes La Sidra. El so autor, el fotógrafu xixonés Óscar Chamorro, va recibir esti vienres na sidrería La Galana’l primer premiu d’esti certame internacional.

Como ye vezu, a esti concursu entamáu pola revista especializada La Sidra presentáronse trabayos d’una calidá alta, poniendo les coses complicaes al xuráu conformáu por Jerome Muñón, direutor del Centru Integráu de Comunicación, Imaxe y Soníu de Llangréu (CISLAN); Ángel M., subxefe de fotografía de ‘La Nueva España’; Jose Ornia, fotógrafu especialista n'imaxe publicitaria; Lorena Ayala, fotógrafa d'estudiu; y Xurde Margaride, fotógrafu de La Sidra. Al final, estos especialistes escoyeron la obra ‘Llabores d’embotellar’, imaxe en blancu y prietu fecha por Chamorro nel Llagar JR que recueye’l procesu del llaváu de botelles, como la merecedora del gallardón, que va consistir nun premiu de 700 euros en metálico y 100 en llibros, amás del ‘Premiu JR’ a la meyor semeya en rellación con dichu llagar o los sos productos, dotáu en dos caxes de sidra. El xuráu tamién concedió dos accésit a Carlos de Cos y Lara Sanz, polo que recibirán 50 euros y un llote de productos sidreros caún.

L’actu d’entrega de premios va tener llugar a les 19.30 hores en La Galana, sidrería xixonesa que va acoyer la esposición coles venti meyores obres presentaes a concursu. Tolos asistentes al actu, nel que tamién va dase a conocer al ganador de la categoría Instagram, van recibir un calendariu 2014 coles fotografíes ganadores de la edición anterior del Concursu de Semeyes de La Sidra.

 

Contador Estadistiques