Chávez, presidente de Venezuela col 65% de los votos

El presidente de Venezuela, Hugo Chávez, consiguió ayeri la reelección pa un mandatu nuevu de seis años más al frente del país. La candidatura de Chávez confirmó les encuestes llogrando más del 65% de les papeletes, mientres que'l candidatu opositor, el socialdemócrata Manuel Rosales, nun llegó al 40% de los sufraxos.

En conociendo'l so trunfu, Chávez felicitó'l talante democráticu de la oposición, l'alta participación nes votaciones (del 75%) y saludó a los sos siguidores aconceyaos énte'l Palaciu de Miraflores de Caracas afirmando que "el socialismu indíxena, cristianu y bolivarianu ye'l reinu del futuru venezolanu". Chávez cuenta con llevar alantre una reforma constitucional col envís de desaniciar el tope de llexislatures pa un mesmu presidente.
Más información en
La Verdad, El Norte y El Nacional