Certame de cuentos en L.lena

El Conceyu L.lena, tien abierta la convocatoria pa la XV edición del so Concursu de Cuentos, que se fai en collaboración cola Conseyería de Cultura y que ta abiertu a narraciones en castellanu y n'asturianu. Con un premiu de 3.005 euros pal ganador, les obres que se presenten han tener una estensión másima d'ocho folios mecanografiaos per una sola cara, a dos espacios, unviándose l'orixinal y cinco copies, escritos en castellanu o n'asturianu, firmaos con nomatu y coles señes personales en sobre aparte. El tema del cuentu ye de llibre escoyeta del autor, anque ha ser rigurósamente inéditu. El plazu de presentación de trabayos termina'l ún de febreru de dos mil ocho y el premiu darase a conocer alredor de les feches de la Fiesta de La Flor de L.lena.