Cerezal lleva'l folk a les fiestes de San Mateo

La banda va actuar na Sala de Cámara del Auditoriu nuna cita xunto colos artistes gallegos Emilio Rúa y Rosa Cedrón.

La nueche de San Mateo de güei va tar dedicada a los sones d'Asturies y Galicia. El folk va ponelu Cerezal, banda que tres tocar en DesconFIGnamientu a primeros del mes, el certame que vieno a cubrir el güecu que dexó'l Festival Internacional de la Gaita de Villaviciosa pola pandemia de COVID-19, empieza a poder llevar al direuto per Asturies los cantares del so segundu discu, 'La cereza'l cielu'.

Enantes, el públicu asturianu va poder disfrutar de la música del cantautor Emilio Rúa y de la cantante Rosa Cedrón. L'actuación va principiar a les 21 hores y entovía queden entraes a la venta a un preciu de 12 euros.

Na semeya, Cerezal nel Teatru Riera de Villaviciosa.